تخيل نفسك فى سن الستين واصبحت جد ولك احفاد وكنت فى يوم الجمعة وابنائك يتركون اولادهم لك ليعملو فى اشغالهم حيث لايوجد وقت لتضيعه بدون عمل حتى يقدرو ان يصرفو على اولادهم وانت لا تلومهم على هذا بل تدعو لهم لكى يوفقو فى عملهم ويأتوا بمزيد الاموال . وانت جالس مع احفادك تشاهدون فيلم من زمن الفن الجميل وكان هذا الفيلم للفنان محمد سعد الا وهو فيلم بوحة ويأتى مشهد الابطال يأكلون الفتة واللحمة ويقوم احد احفادك بسؤالك .
الحفيد1 : جدو ..جدو ..هى ايه الحاجة الى لونها احمر المحطوطة على الفتة وليه ماما مش بتحطهلنا ؟
الجد: اااااااااه يا ابنى فاكرتنى بأيام زمان وبأيام الخير هاااااااااااا ايل الحاجة الحمراة دى يا بنى اسمها لحمة وكانت ايام الخير كانت بتتحط مع كل اكل بيطبخ وكانو بيعملو منها حاجات تانية زى مثلا كانو يدوروها فى حديدة كانو يسموها سيخ وكانو يحطوها ع النار ويا ولاد كان ليها ريحة تجنن تحب تشمها هااااا اقولكو ايه ولا ايه يا ولاد هاااا
الحفيد الثانى: دى الطريقة الوحيدة بس يا جدو ؟
الجد: اه يا بنى ...اهاااااا افتكرت وكانو كمان ياولاد كانو يعملوها كباب وكانت تبقى عبارة عن قطع لحمة تشوى ع الشاوية وكان طعمها يهبل ....
الحفيد الثالث: وهى فين دلوقتى يا جدو ؟
الجد : اااااااااااه يابنى هى كانت بتبقى موجودة فى الجاموس والبقر والخرفان بس يابنى دلوقتى بقو يقطعوها ويصدروها للخارج والجلود بقو يبعوها كسجاد .......
الحفيد الاول : كسجاد ياجدو اومال ايه الى كان بدل السجاد ؟
الجد : كان السجاد كان بيتعمل من الياف خشنة ايام الرخص لكن دلوقتى بقت اى تقضى الغرض .
الحفيد الثانى : على كده ياجدو كانت الحاجات على ايامكو رخيصة اوى
الجد : اااااه يا بنى كان كيلو الطماطم ب جنيه ونص والفاصوليا ب 7 جنيه وكل الخضار كان بالسعر ده والمصاريف كانت قليلة يا بنى هااااااا ايام خير فعلا ..لكن دلوقتى عينات الطماطم بقيت 50 جنيه والمصاريف بقيت بألملاين وتذكرة الاتوبيس بقيت ب100 جنيه هاااااااااا متقلبش المواجع يا بنى
الحفيد الثانى : على كده يا جدو على ايامنا هيحصل ليه ؟
الجد : اااااااااااااااااااه يابنى ربنا يستورها معاكو .
تأليف : نورا طارق
الاشتراك في:
تعليقات الرسالة (Atom)
ليست هناك تعليقات:
إرسال تعليق